Breiðablik fékk ÍA í heimsókn í Pepsi Max-deild karla í gær. Um var að ræða tvö efstu lið deildarinnar en þau voru bæði með tíu stig eftir fjórar umferðir.
Leikur gærkvöldsins var ágæt skemmtun en aðeins eitt mark var skorað og það gerðu gestirnir. Einar Logi Einarsson gerði það mark fyrir ÍA í uppbótartíma eftir hornspyrnu.
Skagamenn eru því nú með þriggja stiga forskot á toppnum eftir fimm umferðir.
Helgi Viðar Hilmarsson fór á völlinn og tók þessar skemmtilegu myndir.