Mario Balotelli skrifaði undir samning við Marseille í janúar og gekk í raðir liðsins frá Nice.

Ítalinn spilaði ágætlega undir lok tímabils en hann vildi mikið breyta til.

Það var Didier Drogba, goðsögn Chelsea og fyrrum leikmaður Marseille, sem tjáði framherjanum að taka skrefið.

,,Ég er mjög ánægður fyrir hönd Balotelli, sérstaklega því ræddum þetta í dágóðan tíma áður en hann fór,“ sagði Drogba.

,,Ég sagði honum að grípa tækifærið því að þetta væri félag sem myndi henta honum vel.“

,,Nú er Mario að standa sig mjög vel. Hann er byrjaður að skora og það gerir mig ánægðan.“