Knattspyrnufélagið KV er fimmtán ára á þessu ári. Að því tilefni kynnir félagið nýtt merki og nýjan búning.

Tveir fyrrverandi leikmenn liðsins, Jón Kári Eldon og Ólafur Þór Kristinsson hönnuðu búninginn og merkið. Endurmörkun á öllu sem við heldur Knattspyrnufélagi Vesturbæjar.

Kynningarmyndband:
Það sýnir myndbrot úr leikjum félagsins í gegnum árin og endar svo á nýja merkinu og búningunum.

Í tilefni af 15 ára afmæli KV kynnum við nýtt merki og nýjan búning! #kvnation pic.twitter.com/gyvbvaiduG

— KV Fótbolti (@KVfotbolti) April 30, 2019

Merki / Innblástur:
Fyrir innblástur var skoðað nær umhverfi félagsins. Skoðað voru helstu einkenni Vesturbæjarins og farið var í að draga fram formin úr þeim. Tengingin við KR er sterk enda hafa flestir leikmenn KV í gegnum tíðina spilað upp sína yngri flokka þar. Vesturbæjarhrokinn í fyrirrúmi og var það markmið okkar að gera sterkt merki með mikið sjálfstraust en á sama tíma einfalt og tímalaust.

15 ára afmælismerki:
Saga KV er mikil þessi 15 ár. Félagið er algjör frumkvöðull sinnar tegundar. Ef skoðað er í sögulegu samhengi þá er KV er fyrsta og eina félagið án fjármagns og yngri flokka til þess að komast upp í 1.deild á Íslandi. KV vann t.a.m ÍA upp á Skipaskaga á Íslandsmóti árið 2014 í 1.deild. Sérstakt afmælismerki var hannað fyrir þetta tilefni. Hannaðar voru sérstakar tölur byggt á nýja merkinu, þar sem tekin voru þessi helstu þrjú element úr merkinu og brotið niður. Síðan voru þau hráefni til þess að hanna tölustafina.

Búningur:
Búningar KV hafa verið sex í gegnum tíðina. Litið var aftur til fortíðar og í þann fyrsta sem var alveg svartur. Sá búningur er óður til þeirra sem stofnuðu KV á sínum tíma og þeirra leikmanna sem léku í honum. Varabúningur er svo hvítur og markmannsbúningur grænn. Út frá tölunum sem voru hannaðar fyrir 15 ára afmælismerkið voru gerðar sérstakar tölur fyrir búninginn byggt á sömu formum. Þær tölur eru hærri enda mikilvægt að tölurnar sjáist vel á vellinum.

Samfélagsmiðlar:
Knattspyrnufélag Vesturbæjar er vörumerki og mikilvægt að halda sterkum útlitsheim í gegnum alla miðla.

Afmælispakkinn:
Fyrir stuðningsmenn KV var gerður sérstakur afmælispakki í tilefni af 15 ára afmæli félagsins í mjög takmörkuðu upplagi. Árskortið á sínum stað og ákveðið einnig að búa til trefil fyrir þá dyggu stuðningsmenn og velunnara klúbbsins sem standa þétt við bakið á liðinu á vellinum.

Nánari upplýsingar um endurmörkun KV: jon@maurar.is eða olafur@tvist.is