Jóhannes Karl Guðjónsson, þjálfari ÍA, var að vonum ánægður í kvöld eftir leik sinna manna gegn Breiðabliki.
Einar Logi Einarsson sá um að tryggja ÍA öll stigin í Kópavogi með marki í uppbótartíma.
,,Við fengum það sem við ætluðum okkur úr þessum leik. Hlutirnir gengu ágætlega upp hjá okkur,“ sagði Jóhannes.
,,Við vorum virkilega þéttir til baka og að vera þéttir til baka gegn Blikum þá þarftu að leggja rosalega mikla vinnu í varnarfærslurnar. Strákarnir lögðu gríðarlega mikið á sig til að loka á Blikana.“
,,Ég held að þeir hafi ekki fengið eitt einasta færi. Við vorum virkilega grimmir.“