Jean-Michel Aulas, forseti Lyon, hikar ekki við það að selja miðjumanninn Tanguy Ndombele í sumar.
Ndombele er einn eftirsóttasti miðjumaður Evrópu en hann hefur átt frábært tímabil með Lyon.
Aulas reynir sjálfur að græða á leikmanninnum en vill fá góða upphæð fyrir þennan 22 ára gamla strák.
Aulas sá til að mynda til þess að Paris Saint-Germain myndi blanda sér aftur í baráttuna um leikmanninn en þrjú önnur lið hafa lagt fram tilboð.
,,Ég er í viðræðum við stærstu lið Evrópu vegna Ndombele,“ sagði Aulas við L’Equipe.
,,Ég er sá sem sá um að endurlífga áhuga PSG svo að þeir séu ekki skildir eftir. Ef PSG blandar sér í þessi þrjú tilboð sem hafa borist og Tanguy samþykkir, það væri gaman að sjá hann fara þangað.“