Tvær goðsagnir léku sinn síðasta leik fyrir stórlið Bayern Munchen í dag sem mætti Eintracht Frankfurt.
Bayern tryggði sér deildarmeistaratitilinn sjöunda árið í röð með öruggum 5-1 heimasigri.
Þeir Arjen Robben og Franck Ribery léku með Bayern en þeir hafa lengi verið hjá félaginu.
Ribery er 36 ára gamall og samdi við Bayern árið 2007. Robben er 35 ára og kom frá Real Madrid árið 2009.
Þeir hafa báðir gefið það út að þeir séu á förum og hafa því klætt sig í treyju Bayern í síðasta sinn.
