Ensk götublöð greina frá því í dag að Ole Gunnar Solskjær, stjóri Manchester United, fái risaupphæð til að eyða í sumar.
Það þarf að styrkja leikmannahóp United verulega en gengið á tímabilinu var hörmulegt.
Það eru margir sem munu þá þurfa að kveðja Old Trafford en búið er að staðfesta brottför Antonio Valencia og Ander Herrera.
Samkvæmt enskum miðlum þá fær Solskjær heilar 250 milljónir punda til að kaupa leikmenn í sumar.
Það ætti að duga til þess að koma United aftur á réttan stað eftir ansi erfið ár.
Norðmaðurinn ætlar að byggja upp nýtt lið í Manchester en pressan er þó á honum að skila árangri.
