Unai Emery, stjóri Arsenal, var mættur til heimalandsins í dag til að sjá leik Levante og Atletico Madrid.
Um var að ræða leik í síðustu umferð spænsku úrvalsdeildarinnar en honum lauk með 2-2 jafntefli.
Talið er að Emery hafi verið að skoða leikmann í dag eða miðjumanninn Thomas Partey.
Samkvæmt fregnum fær Emery í kringum 40 milljónir punda til að eyða í sumar en sú upphæð gæti hækkað ef liðið kemst í Meistaradeildina.
Partey er á mála hjá Atletico en hann hefur sterklega verið orðaður við brottför síðustu vikur.
