Jamie Carragher, fyrrum leikmaður Liverpool, hefur nefnt þær stöður sem hann vill sjá liðið styrkja í sumar.
Liverpool átti frábært tímabil og hafnaði í öðru sæti deildarinnar. Liðið á einnig eftir að spila úrslitaleik Meistaradeildarinnar.
Carragher er ánægður með leikmannahópinn heilt yfir en telur að það sé sumt sem megi styrkja.
,,Ég tel að við gætum bætt við okkur hafsent og bakverði sem getur spilað báðum megin,“ sagði Carragher.
,,Ég tel að við séum ekki með nógu sterka menn til að koma í stað Trent Alexander-Arnold og Andy Robertson.“
,,Við sáum Jordan Henderson og James Milner spila þarna og þeir hafa gert vel en þeir eru ekki bakverðir.“
,,Við þurfum annan sóknarmann sem er í sama gæðaflokki í hinir. Við þurfum ekki hreinan framherja eins og sagt er, ég trúi því ekki.“
,,Kannski annan leikmann eins og Sadio Mane bara yngri.“