Barcelona hefur tryggt sér þjónustu miðjumannsins Frenkie de Jong en hann kemur til félagsins í sumar.
De Jong er 22 ára gamall Hollendingur og hefur gert frábæra hluti fyrir skemmtilegt lið Ajax.
Hann getur ekki beðið eftir því að ganga í raðir Barcelona og þá sérstaklega að spila með Lionel Messi.
Messi er af mörgum talinn besti leikmaður heims og teljast þeir heppnir sem fá að spila með honum.
,,Ég er svo spenntur fyrir því að sjá Messi á æfingum! Ég held að ég muni bara gefa boltann á hann,“ sagði De Jong.
De Jong er ein af vonarstjörnum hollenska boltanns og verður gaman að sjá hvort hann nái að stimpla sig inn á Spáni.