Alexander Már Þorláksson átti stórleik fyrir lið KF í dag sem mætti KH í 3.deild karla.

Um var að ræða leik í þriðju umferð en KF vann öruggan 5-1 sigur og er í öðru sætinu.

Alexander skoraði fernu í sigri KF sem skilur KH eftir á botninum með eitt stig og mínus sjö í markatölu.

Álftanes fékk Sindra í heimsókn og þar sáu þeir Magnús Ársælsson og Jón Helgi Pálmason um að tryggja heimamönnum sigur.

Einherji vann þá 2-1 heimasigur á KV og Reynir Sangerði og Höttur/Huginn skildu jöfn, 1-1.

KF 5-1 KH
1-0 Alexander Már Þorláksson
2-0 Alexander Már Þorláksson
3-0 Vitor Vieira Thomas
3-1 Sveinn Ingi Einarsson
4-1 Alexander Már Þorláksson
5-1 Alexander Már Þorláksson

Álftanes 2-0 Sindri
1-0 Magnús Ársælsson
2-0 Jón Helgi Pálmason

Einherji 2-1 KV
1-0 Todor Hristov
2-0 Todor Hristov
2-1 Oddur Ingi Bjarnason

Reynir S. 1-1 Höttur/Huginn