Það er krísa á Hlíðarenda, liðið hefur tapað þremur leikjum í röð. Tveimur í deild og einum í bikar. Liðið er með eitt stig eftir þrjár umferðir í Pepsi Max-deildinni.
Valur er með talsvert breytt lið og það tekur tíma hjá Ólafi Jóhannessyni að smíða saman nýtt lið.
,,Það er ofboðslega erfitt að segja hvað sé að, það er ekki eitthvað eitt. Þeir hafa farið illa af stað, það er ekki auðvelt að vera undir þeirri pressu að þú átt að vinna mótið, þannig fara þeir inn í mótið,“ sagði Guðmundur Benediktsson í DR. Football í dag.
Valsmenn eru í vandræðum með að finna sitt sterkasta byrjunarliðið og það gæti tekið tíma.“
,,Ég tala ekki um þegar þú nærð ekki að setja saman liðið þitt á neinum tímapunkti í aðdraganda mótsins. Byrjunarliðið var ekki tilbúið hjá Val, þeir eru með stóran og mikinn hóp. Þeir misstu sinn besta mann, í Patrick Pedersen. Svo er Kristinn Freyr ekkert með, þeirra besti knattspyrnumaður. Þetta er ekki búið að smella saman.“
Emil Lyng, Gary Martin og Kaj Leó hafa verið þrír fremstu menn Vals.
,,Kannski eru þessir þrír, ekki mestu liðs íþróttamennirnir, sem spila í fótboltanum hér heima. Það er nauðsynlegt að vera með þannig mann í liðinu en kemur þú þremur þannig fyrir. Ég hef trú á því, að ef að þjálfarar halda haus. Ég hef ekki trú á öðru en að þjálfarar Vals geri það, ég held að Valur muni enda þetta í öðru af tveimur efstu sætum deildarinnar.“