Það er enginn leikmaður í Meistaradeild Evrópu sem hefur skapað jafn mörg færi á leiktíðinnu og Dusan Tadic.

Tadic er leikmaður Ajax í Hollandi og lék með liðinu í frábærum 1-0 útisigri á Tottenham í kvöld.

Eins og oft áður þá var Tadic í essinu sínu á miðjunni og skapaði þó nokkur hættuleg færi fyrir liðsfélaga.

Hann hefur nú búið til 32 færi í deild þeirra bestu sem er meira en nokkur annar leikmaður.

Tadic kom til Ajax í sumar en hann hafði fyrir það leikið með Southampton í ensku úrvalsdeildinni.

Leikmenn á borð við Lionel Messi komast því ekki á sama stall og Tadic í þessari keppni þegar kemur að því að skapa færi.