Ole Gunnar Solskjær, stjóri Manchester United heldur því fram að Paul Pogba verði áfram hjá félaginu á næstu leiktíð. Pogba er sterklega orðaður við Real Madrid.
,,Það er aldrei neitt öruggt í fótbolta, ég held að Paul verði hérna,“ sagði Solskjær.
Pogba er harkalega gagnrýndur þessa dagana, hann er sagður leggja lítið á sig í leikjum.
,,Ég get lofað því að hann vill nái árangri hjá United, hann er bara venjuleg mannsekja. Við erum allir eins, hann vill gera vel, hann er leiðtogi í klefanum og innan vallar.“
,,Hann verður hérna áfram, eftir því sem ég best veit.“
Solskjær ætlar að halda tryggð við David De Gea, markvörð liðsins, sem hefur gert mörg mistök undanfarið.
,,David er í lagi, hann heldur sínu sæti. Ég tek hann ekki út, hann spilar næstu þrjá leiki.“