Arsenal heldur áfram slöku gengi sínu á útivelli en liðið heimsótti Wolves á Molineux, í ensku úrvalsdeildinni í kvöld.
Arsenal fékk á sig þrjú mörk í fyrri hálfleik og þar með var sagan skrifuð, Ruben Neves skoraði fyrsta markið.
Matt Doherty bætti við marki áður en Diogo Jota skoraði þriðja markið.
Arsenal spilaði ögn betur í síðari hálfleik og Sokratis lagaði stöðuna þegar tíu mínútur voru eftir.
Arsenal í fimmta sæti deildarinnar og hefur hallað undan fæti hjá liðinu á síðustu vikum.
