Zlatan Ibrahimovic, leikmaður LA Galaxy, veit hvað hann vill gera þegar knattspyrnuferlinum lýkur.
Zlatan er 37 ára gamall í dag en hann hefur átt magnaðan feril sem knattspyrnumaður og er að enda hann í Bandaríkjunum.
Svíinn býr nú í Los Angeles og útilokar það ekki að taka að sér verkefni í kvikmyndum síðar á lífsleiðinni.
,,Ég hef fundið fyrir því undanfarin ár að ég er meira og meira fyrir framan myndavélina,“ sagði Zlatan.
,,Ég gæti gert meira og til að mynda orðið leikari. Vondi kallinn, góði kallinn, ég gæti gert allt. Ég get aðlagast.“
,,Ég hef fengið ýmis tilboð úr kvikmyndabransanum en það þarf að henta mér. Ég vil ekki vera aukaleikari sem sést í bakgrunni.“
,,Jason Bourne, James Bond – af hverju ekki? En eins og þið segið: ekki góði gæinn, heldur vondi gæinn.“