Magnús Valur Böðvarsson, er nýr vallarstjóri knattspyrnuvalla hjá KR. Frá þessu er greint á Twitter.
Magnús hefur síðustu ár starfað á Kópavogsvelli, og þar hefur hann unnið gott starf.
Magnús er menntaður í fræðunum og var ósáttur þegar ákveðið var að setja gervigras á Kópavogsvöll. KR nýtti sér það og hefur Magnús hafið störf á KR-vellinum.
Magnús var kosinn vallarstjóri ársins 2018 en hann lærði fræðin í Skotlandi.
,,Þetta er án gríns risa stórt fyrir KR. Hef fylgst með Magga lengi. Hann byrjaði á Álftanesvelli og sú vinna skilaði sér í falinni perlu, enda hafa mörg landslið æft þar. Til hamingju KR, þið voruð að næla ykkur í gullmola. Greinilegt að KR vill aðeins það besta,“ skrifar Kjartan Atli Kjartansson, sjónvarpsstjarna á Twitter.
