Varamannabekkur Burnley lét Maurizio Sarri, stjóra Chelsea, heyra það í leik liðanna í kvöld.
Þetta sagði Gianfranco Zola, aðstoðarmaður Sarri en sá síðarnefndi var rekinn af velli undir lok leiksins í kvöld.
Kevin Friend, dómari leiksins, skipaði Sarri þá að yfirgefa hliðarlínuna þegar örfáar mínútur voru eftir.
Undir lok leiksins brutust út lítilleg slagsmál á meðal leikmanna og reyndi Sarri að ræða við sína menn.
,,Sarri var mjög reiður því hann heyrði ekki svo góða hluti frá varamannabekk Burnley,“ sagði Zola.
,,Eina ástæðan fyrir því að hann labbaði svo langt var því hann vildi koma okkar leikmönnum í stöðu.“
,,Hann var að reyna að hjálpa dómaranum. Kevin Friend misskildi þetta. Ég er vonsvikinn því hann vildi bara hjálpa.“