James Milner, leikmaður Liverpool, mun halda með Manchester United í fyrsta sinn á ævinni á miðvikudag.

United spilar þá við granna sína í Manchester City en City og Liverpool berjast um deildarmeistaratitilinn.

Liverpool þarf að treysta á að City tapi stigum í leiknum en Milner býst þó ekki við að horfa á viðureignina.

,,Ég verð aðdáandi þeirra í fyrsta sinn á ævinni. Ég horfi ekki á svona leiki,“ sagði Milner.

,,Það er bara orkueyðsla er það ekki? Að vona að boltinn fari í netið og þannig hlutir. Það er ekkert sem ég get gert í því.“

,,Kannski set ég símann frá mér í nokkra klukkutíma og kíki svo á stöðuna. Ég gæti farið og fengið mér að borða á meðan.“