Jurgen Klopp, stjóri Liverpool, var ósáttur með ástand vallarins í gær er hans menn unnu Cardiff.

Leikurinn var á heimavelli Cardiff í Wales en grasið var þurrt, eitthvað sem Klopp var ekki hrifinn af.

,,Það er hættulegt að spila á þurrum velli, leikmenn eiga í hættu á að meiðast,“ sagði Klopp.

,,Ef þú ert að hlaupa og stoppar svo skyndilega þá geturðu meiðst. Ég þarf ekki að útskýra af hverju völlurinn er þurr.“

,,Boltinn hreyfist ekki það hratt. Ef þú spyrð knattspyrnumenn þá vilja þeir spila á blautum velli, þú getur rennt þér betur, allt verður betra.“

,,Ég ræddi um þetta eftir leik gegn West Brom og mér var sagt að ég væri tapsár. Nú vorum við tilbúnir, við lærðum af mistökunum.“