Thierry Henry, fyrrum leikmaður Arsenal, er að fá annað tækifæri til að reyna fyrir sér sem stjóri.
Frá þessu greina miðlar erlendis en Henry var rekinn frá liði Monaco eftir aðeins fjóra mánuði fyrr á þessu ári.
Henry tók við Monaco í október en eftir hræðilegt gengi undir hans stjórn var Frakkinn látinn fara.
Nú er Henry í viðræðum við New York Red Bulls í bandarísku MLS-deildinni en hann lék þar sem leikmaður.
Henry hefur verið án starfs í fjóra mánuði en hefur mikinn áhuga á að laga orðspor sitt í bransanum.
