Chelsea 2-2 Burnley
0-1 Jeff Hendrick(8′)
1-1 N’Golo Kante(12′)
2-1 Gonzalo Higuain(14′)
2-2 Ashley Barnes(24′)
Það fór fram einn leikur í ensku úrvalsdeildinni í kvöld er Chelsea fékk lið Burnley í heimsókn.
Það var boðið upp á mjög fjörugan fyrri hálfleik í kvöld þar sem fjögur mörk voru skoruð.
Burnley tók forystuna í dag er Jeff Hendrick skoraði með laglegu skoti sem Kepa Arrizabalaga réð ekki við.
Það fylgdu svo tvö mörk frá Chelsea en þeir N’Golo Kante og Gonzalo Higuain komust báðir á blað.
Ashley Barnes tókst svo að jafna metin fyrir gestina og lauk fyrri hálfleik með 2-2 jafntefli.
Chelsea var mikið með boltann að venju í seinni hálfleik en tókst ekki að bæta við og tapaði dýrmætum stigum í baráttunni um Meistaradeildarsæti.
