Zlatan Ibrahimovic, leikmaður LA Galaxy, gagnrýndi myndbandstæknina VAR á föstudaginn.
Zlatan lék með liði Galaxy gegn Houston Dynamo og skoraði mark í 2-1 sigri á heimavelli.
Svíinn var óánægður með að mark Dynamo hafi fengið að standa og kvartaði mikið vegna þess.
Það var rætt við framherjann eftir leikinn en hann hefur ekki áhyggjur af því að MLS-deildin refsi sér.
,,Kannski mun MLS refsa mér en ég er MLS svo hafið engar áhyggjur,“ sagði Zlatan.
Þessi fyrrum framherji Barcelona og Inter Milan er ekki þekktur fyrir að liggja á eigin skoðunum og hefur nú skorað sex mörk í fyrstu fjórum leikjum tímabilsins.
