Jurgen Klopp, stjóri Liverpool, hefur beðið enska knattspyrnusambandið um hjálp og vill sjá breytingar.
Klopp og félagar mæta Barcelona í undanúrslitum Meistaradeildarinnar en þurfa einnig að spila í ensku úrvalsdeildinni og fá stutt frí.
Klopp hvetur úrvalsdeildina til að gera eins og í Hollandi þar sem heil umferð var færð fram tvær vikur fram í tímann til að hjálpa Ajax að undirbúa sig fyrir slag gegn Tottenham.
,,Hollenska deildin var að glíma við vandamál því í síðustu tveimur umferðunum eiga öll lið að spila á sama tíma,“ sagði Klopp.
,,Maður hefði haldið að þeir myndu færa leikinn yfir á laugardag en það var ekki gert, ég veit ekki af hverju.“
,,Myndi eitthvað svona gerast á Englandi? Nei, ég held að það myndi ekki gerast hér og ekki í Þýskalandi.“
,,Ég tel að enska úrvalsdeildin þurfi að styðja við bakið á sínum liðum. Við erum komnir í undanúrslit í Evrópu og það er stórt.“