Gylfi Þór Sigurðsson komst á blað í dag er Everton vann frábæran heimasigur á Manchester United.
Það var í raun bara eitt lið á vellinum á Goodison Park en Everton fagnaði að lokum öruggum 4-0 sigri.
Gylfi skoraði annað mark liðsins í stórsigrinum og lagði upp það síðasta á Theo Walcott.
Gylfi er búinn að skora 13 mörk í úrvalsdeildinni á leiktíðinni sem er jafn mikið og hann gerði undanfarin tvö tímabil.
Gylfi skoraði níu mörk fyrir Swansea tímabilið 2016/2017 og svo fjögur mörk fyrir Everton tímabilið 2017/2018.
Þetta er besta tímabil Gylfa í ensku úrvalsdeildinni en hann hefur aldrei skorað fleiri mörk.