David Moyes var gestur í setti BT Sport í dag yfir leik Everton og Manchester United í ensku úrvalsdeildinni.
Moyes þekkir vel til beggja liða en hann náði frábærum árangri með Everton áður en hann stoppaði stutt hjá United.
Spilamennska United var hræðileg á Goodison Park í dag og tapaði liðið sannfærandi 4-0.
Moyes var spurður út í spilamennsku liðsins og segir að það sé langt síðan hann hafi séð eins slæma frammistöðu frá félaginu.
,,Það er langt síðan ég sá eins slaka frammistöðu frá Manchester United,“ sagði Moyes.
,,Sumir gætu horft til baka á minn tíma þarna en ég verð að segja það að ég vona að ég hafi ekki verið svona slæmur.“
