Virgil van Dijk, leikmaður Liverpool, hefur ekki hugmynd um hvernig á að stöðva Lionel Messi, leikmann Barcelona.
Van Dijk þarf að mæta Messi í undanúrslitum Meistaradeildarinnar er Liverpool og Barcelona eigast við.
Messi er af mörgum talinn besti leikmaður heims og er ekkert grín að mæta honum á grasinu.
,,Ég veit ekki hvernig á að stöðva hann, við skulum sjá til,“ sagði Van Dijk við Viasport.
,,Við erum mjög ánægðir með að vera komnir í undanúrslitin, það er það eina sem ég get tjáð mig um.“
,,Þetta snýst um að gera þetta allir sem einn, ekki einn gegn einum. Það er aldrei bara ég gegn einhverjum einum framherja.“
,,Það eru allir saman í þessu og ég held að það sé eina leiðin til að verjast vel.“
