Lið Juventus vann 2-1 sigur á Fiorentina í dag en liðin áttust við í ítölsku úrvalsdeildinni.
Juventus hefur lengi verið sterkasta lið Ítalíu og er nú með 20 stiga forskot á toppi deildarinnar.
Sigurinn í dag reyndist nóg til að tryggja liðinu ítalska meistaratitilinn, áttunda árið í röð.
Fiorentina komst yfir snemma leiks en Juventus sneri leiknum sér í vil með mörkum frá Alex Sandro og sjálfsmarki German Pezzella.
Ekkert annað lið hefur unnið titilinn síðan 2011 og var þetta 35. meistaratitill Juventus í sögunni.
