Alexandre Lacazette, leikmaður Arsenal, viðurkennir að hann gæti verið ánægðari hjá félaginu.
Lacazette er mikilvægur hlekkur í liði Unai Emery en þarf stundum að sætta sig við bekkjarsetu.
Lacazette segir að það sé alltaf ánægjulegt að fá að spila fyrir liðið en sumir hlutir mættu vera betri.
,,Ég er ánægður þegar ég fæ að spila, eins og allir aðrir leikmenn,“ sagði Lacazette við RMC.
,,Ég sinni einu fallegasta starfi heims, jafnvel þó að ég gæti verið ánægðari þessa stundina.“
,,Þegar ég spila þá fylgir því mikil gleði. Utan vallar sem og innan, ég held áfram að brosa. Þú þarft að brosa í lífinu.“