Zlatan Ibrahimovic varð reiður á sínum tíma er hann fékk ekki leikboltann afhentan eftir leik gegn Lorient árið 2015.

Zlatan lék þá með Paris Saint-Germain og skoraði þrennu en það er venjan að leikmenn sem skori þrjú mörk fái boltann í lok leiks.

Dómarinn Tony Chapron vildi þó ekki láta Zlatan fá boltann og er ‘sá eini’ sem hefur sagt nei við þennan goðsagnarkennda framherja.

,,Hann kom upp að mér og smellti bara fingrum og öskraði á mig: ‘Boltinn!’ sagði Chapron við the BBC.

,,Ég á fjórar dætur og ef þær biðja um eitthvað, ef þær biðja ekki fallega þá koma engin viðbrögð.“

,,Þetta var bara eins. Þetta er smá kennsla. Ég tel að þetta sé óvirðing, það er eitthvað að ef við gleymum því að biðja fallega um hluti.“

,,Þetta var byrjunin á ‘Ibrahimovic-sýningunni’ því enginn segir nei við Zlatan. Ég er örugglega sá eini.“