Í dag var undirritaður samningur milli Kórdrengja og Priksins, sem er rótgróið kaffi og öldurús í miðbæ Reykjavíkur. Prikið verður þar með helsti styrktaraðili Kórdrengja og verður merki þeirra framan á búningi félagsins í sumar.

Kórdrengir leika í 3. deild karla í sumar, liðið hefur vakið mikla athygli í íslenskum fótbolta síðustu ár.

Mikll hugur er í Kórdrengjum sem komust upp úr 4. deild síðasta sumar, liðið stefnir upp úr 3. deildinni í sumar. ,,Við Kórdrengir kynnum til leiks okkar stærsta styrktaraðila – Prikið Kaffihús. Við erum gríðarlega stoltir og þakklátir fyrir þetta samstarf. Prikið er rótgróið kaffihús/veitingarstaður/skemmtistaður sem á sér stað í hjörtum flestra Íslendinga. Við stefnum að því að hafa viðburði í samstarfi við Prikið í sumar,“ sagði í yfirlýsingu Kórdrengja.

,,Við á Prikinu erum gríðarlega spennt fyrir komandi samstarf við Kórdrengi. Það verður gaman að fylgjast með liðinu í framtíðinni og eru gildi þeirra eitthvað sem við tengjum mikið við. Við erum stolt að því styrkja Kórdrengi og horfum spennandi augum til framtíðar,“ sagði Geoffrey, rekstrarstjóri á Prikinu.