Cristiano Ronaldo, leikmaður Juventus, var sorgmæddur í gær eftir 2-1 tap liðsins gegn Ajax.
Ronaldo hefur undanfarin þrjú ár unnið Meistaradeildina en er nú úr leik. Ajax kom á óvart og sló ítölsku meistarana úr leik.
Móðir Ronaldo, Dolores Aveiro, segir að Ronaldo hafi verið sár eftir leikinn í gær en mun koma sterkari til baka.
,,Hann skoraði mark en fékk ekki meira en það. Hann var sorgmæddur því hann vildi komast í úrslitin en það verður að bíða,“ sagði Dolores.
,,Hann var sár en eins og hann sagði: ‘mamma, ég get ekki framkvæmt kraftaverk’ og það er sannleikurinn.“
,,Það gengur vel í deildinni en það vantaði upp á heppnina í Meistaradeildinni en við getum ekki fengið allt sem við viljum. Lífið heldur áfram.“
