Eintracht Frankfurt í Þýskalandi hefur fest kaup á framherjanum Luka Jovic frá Benfica í Portúgal.
Þetta var staðfest í dag en þessi 21 árs gamli leikmaður hefur verið frábær á þessari leiktíð.
Jovic var lánaður til Frankfurt fyrir tímabilið og mátti félagið kaupa hann fyrir sjö milljónir evra.
Hann gerði samning við Frankfurt til ársins 2023 en gæti samt sem áður farið annað í sumarglugganum.
Real Madrid, Bayern Munchen, Barcelona og Manchester City hafa öll verið orðuð við Jovic sem hefur skorað 25 mörk í 40 leikjum á tímabilinu.
Frankfurt var með kauprétt og hefur ákveðið að nýta sér hann og er Jovic samningbundinn næstu fjögur árin.