Liverpool er afar líklegt til þess að vinna ensku úrvalsdeildina á þessari leiktíð, fjórir leikir eru eftir.
Liverpool á fremur auðvelda leiki á eftir á meðan Manchester City á tvo erfiða leiki. City á leik til góða og Liverpool þarf að treysta á að City misstígi sig einu sinni.
Mohamed Salah og Sadio Mane bera uppi sóknarleik liðsins en Jamie Carragher, sérfræðingur Sky Sports fékk erfiða spurningu í gær. Hann var spurður að því, ef hann þyrfti að missa út Salah eða Mane á lokasprettinum, hvorn hann myndi velja.
,,Ég myndi missa Salah út,“ sagði Carragher og var ekki lengi að svara.
,,Þetta snýst ekki bara um mörk, skora þegar liðið er að vinna 4-0. Þetta snýst um mikilvægi þeirra marka sem Mane nær.“
,,Hann er besti kantmaður Liverpool síðustu 30 árin.“