Gary Neville, sérfræðingur Sky Sports og fyrrum fyrirliði Manchester United er ánægður með vandræði liðsins síðustu vikur.

Hann segir að þau muni hjálpa Ole Gunnar Solskjær, að taka liðið áfram. Solskjær byrjaði frábærlega en Neville segir að þarna sé hið raunverulega lið United í dag.

,,Þetta hefur verið vesen eftir PSG leikinn, ég er í raun glaður. Ef United hefði haldið áfram á þessu flugi, þá hefði það getað platað alla, fólk hefði haldið að allt væri í lagi,“ sagði Neville.

,,Ég taldi það rétt að grein frá ráðningu Solskjær á þessum tíma, það gefur Ole tíma til að undirbúa næstu leiktíð og taka ákvarðanir.“

,,Ole er núna að finna út hvaða leikmenn hann hefur, hann hefur lært meira á síðasta mánuði en á fyrstu átta vikunum.“