Gabriel Jesus, leikmaður Manchester City, er orðinn pirraður á varamannabekk liðsins en hann á ekki fast sæti í byrjunarliðinu.

Þessi 22 ára gamli leikmaður hefur spilað 27 deildarleiki á tímabilinu en hefur komið inná sem varamaður í 17 af þeim.

Hann kom við sögu í leik gegn Crystal Palace um helgina og skoraði þriðja markið í 3-1 sigri.

,,Ég vil alltaf fá að spila, alltaf. Auðvitað er ég pirraður á þessu en á góðan hátt, ég æfi meira og legg mig meira fram,“ sagði Jesus.

,,Þegar ég spila þá reyni ég að hjálpa liðinu eins og ég get. Ég hef alltaf verið skýr að ég vil vera hluti af liðinu.“

,,Ef ég kem inná í seinni hálfleik þá er ég samt ánægður og reyni að hjálpa liðinu. Ég hjálpaði aðeins og er ánægður með það.“