Ágúst Gylfason, þjálfari Breiðabliks, var mjög sáttur í dag eftir að hafa fengið Guðjón Pétur Lýðsson til félagsins.
Guðjón gerði þriggja ára samning við Blika í dag en hann lék áður með liðinu frá 2013 til 2015.
Valur og Breiðablik börðust um að fá Guðjón í sínar raðir og hafði það síðarnefnda betur að lokum.
,,Þetta er hvalreki fyrir okkur Blika. Þetta er leikmaður sem hefur spilað hér áður og þekkir allt út og inn,“ sagði Ágúst.
,,Hann gerir aðra leikmenn betri, hann er frabær karakter og frábær sigurvegari og ekki síst frábær leikmaður.“
,,Þetta var gríðarlega vel gert hjá okkur í heildina, við lentum í smá brasi. Við komum heim í gær og þurftu mað hanga í flugvél í nokkra klukkutíma.“
,,Svo komum við heim og það fyrsta sem ég gerði var að funda með Guðjóni ásamt stjórnarmönnum og svo klárum við það núna.“
,,Valur er frábært félag og það er heillandi að fara þangað fyrir leikmenn en það er frábært fyrir okkur að vinna slaginn við Valsmenn sem við höfum oft tapað áður.“