Það hefur gengið erfiðlega hjá Manchester United að skora á heimavelli í Meistaradeild Evrópu á tímabilinu.
United spilaði í kvöld sinn fimmta heimaleik í deild þeirra bestu en tapaði 1-0 gegn Barcelona í 8-liða úrslitum.
Eini sigurleikur liðsins á heimavelli kom í riðlakeppninni gegn Young Boys í 1-0 sigri á svissnenska liðinu.
Eina mark leiksins skoraði miðjumaðurinn hávaxni Marouane Fellaini sem er nú farið annað.
Fellaini er eini leikmaðurinn sem hefur skorað mark fyrir United á heimavelli í Meistaradeildinni á tímabilinu en hann leikur í Kína í dag.
Annars hefur United gert markalaust jafntefli við Valencia, tapað 1-0 gegn Juventus og svo 2-0 gegn Paris Saint-Germain.