Roskilda eða Hróaskelda í næst efstu deild í Danmörku er að berjast við fjárhagsörðuleik. Með liðinu leikur Frederik Schram, landsliðsmaður Íslands.
Frederik var í HM hópi Íslands síðasta sumar en hann á ættir sínar að rekja til landsins en hefur alla tíð búið í Danmörku.
Frederik hefur staðið í marki Roskilde sem er nú í miklum fjárhagsvandræðum. Félagið biður nú stuðningsmenn um fjármagn. Reksturinn hefur verið erfiður og ekki er talið líklegt að honum verði bjargað.
Leikmenn liðsins fengu ekki launin sín í morgun. ,,Leikmenn fengu ekki launin í morgun en við vonumst til að geta bjargað því síðar í dag,“ sagð Carsten Salomonsson, fjárfestir sem reynir að bjarga félaginu.
Verði Roskilde, gjaldþrota munu allir leikmenn liðsins missa vinnuna. Liðið er í fallbaráttu í næst efstu deild landsins.
