Það er afskaplega lítill munur á þeim Ole Gunnar Solskjær og Jose Mourinho segir fyrrum stjóri Manchester United, Louis van Gaal.

Solskjær er stjóri United í dag en hann tók við af Mourinho í desember og hefur gengi liðsins batnað.

Van Gaal segir að það sé þó ekki mikill munur á liði United fyrir utan það að andrúmsloftið sé betra.

,,Fólk heldur að ‘falsaðar fréttir’ hafi fyrst orðið að veruleika þegar Donald Trump varð forseti. Við höfum upplifað þetta í fótboltanum í 50 ár,” sagði Van Gaal.

,,Stjórinn sem tók við af mér ákvað að leggja rútunni og spila á skyndisóknum. Nú er annar stjóri þarna sem leggur rútunni og spilar á skyndisóknum.”

,,Aðal munurinn á Mourinho og Solskjær er að Solskjær er að vinna leiki. Ég er ekki þarna en andrúmsloftið virðist vera betra.”

,,Það er líka rétt að Solskjær hafi breytt hlutverki Paul Poba og hann er nú mun mikilvægari fyrir liðið.”

,,United er þó ekki að spila eins og þeir gerðu undir Sir Alex Ferugson. Þeir spila varnarlega á skyndisóknum. Ef þér líkar við það þá líkar þér við það.”