Jose Mourinho, fyrrum stjóri Chelsea og Manchester United, er án félags þessa stundina.
Portúgalinn var rekinn frá United í desember og hefur tekið sinn tíma í að leita sér að nýju starfi.
Hann ætlar að snúa aftur í sumar og með skýr markmið. Mourinho hefur unnið ófáa titla á sínum ferli.
Hann vill vinna Meistaradeildina í þriðja sinn en hann vann keppnina með bæði Porto og Inter Milan.
Einnig gefur Mourinho í skyn að hann vilji reyna fyrir sér í nýrri deild en hann er orðaður við skref til Frakklands.
,,Ég er með það í huga að vinna fimmtu deildarkeppnina og Meistaradeildina með þriðja félaginu,“ sagði Mourinho.
,,Ég sakna þess að mæta á æfingar, hvern einasta dag og ég mun ekki reyna að fela það.“