Didier Deschamps, landsliðsþjálfari Frakklands, segir að leikmenn liðsins hafi skemmt sér gegn Íslandi í gær.
Frakkland vann sannfærandi 4-0 sigur á Íslandi í undankeppni EM en strákarnir okkar náðu sér ekki á strik.
Deschamps var ánægður með frammistöðu sinna manna og segir að íslenska liðið hafi verið þreytt í síðari hálfleik.
,,Þeir skildu eftir sig meira pláss þegar þeir urðu þreyttir og við nýttum okkur það,” sagði Deschamps.
,,Það var meiri opnun í síðari hálfleik þó að hann hafi ekki verið okkar besti. Það er aldrei auðvelt að spila gegn vel skipulögðu liði en ég naut þess að horfa á þá.”
,,Andrúmsloftið var stórkostlegt í leiknum. Leikmennirnir skemmtu sér konunglega að spila hann.”