Luis Enrique, landsliðsþjálfari Spánar, er ekki á hliðarlínunni í kvöld er liðið spilar við Möltu.
Spánn leikur við Möltu á útivelli í undakeppni EM en leikurinn kemur nokkrum dögum eftir 2-1 sigur á Noregi.
Robert Moreno, aðstoðarmaður Enrique, tók stöðu Enrique á hliðarlínunni og sér um liðið í kvöld.
Spænska knattspyrnusambandið staðfesti fjarveru Enrique í kvöld en hann hélt heim vegna fjölskyldunnar.
Ekki er greint nákvæmlega hvert vandamál Enrique er en sambandið vildi virða hans einkamál.
Enrique tók við spænska landsliðinu á síðasta ári og hefur liðið verið að gera fína hluti undir hans stjórn.