Arsenal vill fá markvörðinn Freddie Woodman frá Newcastle í sumar samkvæmt enskum miðlum.
Um er að ræða 22 ára gamlan markvörð en Arsenal vill fá hann til að taka við af Petr Cech sem er að hætta.
Newcastle Chronicle segir að Woodman sé einn af sex leikmönnum sem muni yfirgefa félagið í sumar.
Woodman á aðeins 12 mánuði eftir af samningi sínum og gæti farið ódýrt til Arsenal ef félagið vill fá hann.
Pabbi Woodman vinnur einmitt hjá Arsenal en hann starfar í akademíu félagsins og þjálfar markverði.
Woodman er hluti af U21 landsliði Englands en er ekki aðalmarkvörður Newcastle og fær lítið að spila.