N’Golo Kante, leikmaður Chelsea, er orðaður við lið Real Madrid þessa dagana en félagið er sagt vilja fá hann í sumar.

Kante er einn allra mikilvægasti leikmaður Chelsea en hann kom til félagsins frá Leicester árið 2016.

Zinedine Zidane er mættur aftur til Real og er sagður vilja fá landa sinn til félagsins í sumar.

Miðjumaðurinn hefur þó lítinn áhuga á að fara, jafnvel þó Zidane taki upp símann og hringi í hann sjálfur.

,,Í dag er ég enn hjá Chelsea og það sem er sagt annars staðar er ekki mikilvægt,“ sagði Kante.

,,Jafnvel ef Zidane tekur upp símann sjálfur þá er það ekki mikilvægt. Ég einbeiti mér að Chelsea.“