Sverrir Ingi Ingason lék í vörn íslenska landsliðsins í kvöld sem spilaði við Frakkland í undankeppni EM.

Sverrir viðurkennir að tap kvöldsins hafi verið of stórt en Frakkar höfðu að lokum betur, 4-0.

,,Eftir 2-0 markið þá fannst mér liðið slitna og við gáfum auðveld mörk í lokin sem við eigum ekki að gera,“ sagði Sverrir.

,,Auðvitað er fúlt að tapa þessu og þetta er frábært lið sem við spilum við en mér fannst við byrja seinni hálfleik og eigum fín móment í uppspilinu til að jafnvel skapa eitthvað eða fá horn til að reyna að jafna.“

,,Eftir 2-0 markið, auðvitað var þetta erfitt en við eigum að gera betur í restina, ekki að hleypa þessu í of stórt sem við gerðum.“

,,Mér fannst við ekki gefast upp en við reyndum að fara hærra á völlinn og þeir áttu auðvelt með að spila okkur út. Þeir eru mjög, mjög, mjög góðir á boltann og við gáfum svæði sem við höfðum ekki gefið í leiknum þangað til.“