Liverpool á Englandi er tilbúið að selja miðjumanninn Naby Keita fyrir um 40 milljónir punda í sumar.
Þetta segja heimildir TeamTalk en Keita gekk aðeins í raðir Liverpool frá RB Leipzig í sumarglugganum.
Hann hefur ekki þótt standa undir væntingum á Englandi og gæti freistað þess að snúa aftur til Þýskalands.
Keita er 24 ára gamall en hann var keyptur fyrir um 50 milljónir punda frá Leipzig.
Jurgen Klopp, stjóri Liverpool, er sagður vera opinn fyrir því að selja Keita ef rétt tilboð berst í leikmanninn í sumar.
Bayern Munchen og Borussia Dortmund eru sögð áhugasöm en Keita var frábær í Bundesligunni fyrir Leipzig.