Harry Maguire, leikmaður enska landsliðsins, hefur opinberað hvern hann valdi í valinu á besta leikmanni ensku úrvalsdeildarinnar á tímabilinu.
Nokkrir leikmenn standa upp úr á þessari leiktíð og er Raheem Sterling, leikmaður Manchester City nefndur til sögunnar.
Það er sá leikmaður sem Maguire er mest hrifinn af en Sterling skoraði þrennu í 5-0 sigri Englands á Tékklandi á föstudag.
,,Ég skilai því inn í síðustu viku og Raheem varð fyrir valinu. Hann hefur verið besti leikmaður úrvalsdeildarinnar,“ sagði Maguire.
,,Hann er að skora mörk, hann leggur upp mörk og það er algjör martröð að spila gegn honum.“
,,Hann er í öðrum gæðaflokki en á síðustu leiktíð – þegar fólk sá hann rísa upp – hann er enn hærri á þessu tímabili.“