Eden Hazard, leikmaður Chelsea, varð í kvöld sá þriðji í sögunni til að spila 100 landsleiki fyrir Belgíu.
Hazard hefur lengi verið einn allra mikilvægasti leikmaður Belga en hann þykir vera einn besti leikmaður úrvalsdeildarinnar á Englandi.
Hazard og félagar spiluðu við Kýpur í undankeppni HM og höfðu betur með tveimur mörkum gegn engu.
Vængmaðurinn gerði fyrra mark Belga í sigrinum áður en Michy Batshuayi bætti við öðru.
Aðeins þeir Axel Witsel og Jan Vertonghen hafa spilað fleiri leiki en Hazard í sögu belgíska liðsins.
Vertonghen hefur spilað 112 landsleiki og Witsel 101. Þeir spila enn stórt hlutverk í liðinu eins og Hazard.