Eden Hazard, leikmaður Chelsea, neitaði að ræða um spænska stórliðið Real Madrid á blaðamannafundi í gær.
Hazard er nú staddur erlendis með landsliði Belgíu en mun snúa aftur til Chelsea í lok mánaðarins.
Hann er sterklega orðaður við brottför til Real þessa dagana en segir að það sé ekkert nýtt að frétta af þeim málum.
,,Nei ég er ekki mættur hérna til að tala um Real Madrid,“ sagði Hazard við blaðamenn.
,,Það hefur ekkert gerst. Ég einbeiti mér bara að því að spila gegn Kýpur – það er það eina sem ég er að vinna í.“
